78. მფარველი ანგელოზი
78. მფარველი ანგელოზი
დეკლარაცია
შეიძლება ძალიან გიჭირთ და არავინ გყავთ დასაყრდენი. მაშინ შეგიძლიათ შეიქმნათ მფარველი ანგელოზი. თუ თქვენ გწამთ ანგელოზის, მაშინ ის არსებობს თქვენთვის, და პირიქით, ის არ არსებობს თუ თქვენ არ გწამთ მისი არსებობის. ჯერ მხოლოდ იმის გაცნობიერება, რომ არსებობს რაღაც არსება რომელიც ზრუნავს თქვენზე, აძლიერებს თქვენს წონასწორობის ბალანსს. ნუ გაუნაწყენდებით თქვენს ანგელოზს, და მითუმეტეს არავითარ შემთხვევაში არ გაუბრაზდეთ მას. თქვენ წარმოდგენაც კი არ გაქვთ, როგორი უბედურებისგან ცდილობს დაგიფაროთ თავისი შესაძლებლობების ფარგლებში. წარმატებით გახარებისას, არ დაგავიწყდეთ თქვენი ანგელოზისთვის მადლობის გადახდა და იმის შეხსენება, რომ თქვენ ის გიყვართ. ის ასე გაძლიერდება და სამაგიეროს ასმაგად გადაგიხდით.
ახსნა
სინამდვილეა, რომ ყველა ადამიანს თავისი მფარველი ანგელოზი ყავს? ნებისმიერ შემთხვევაში ეს თქვენი გადასაწყვეტია. თქვენ თავად ქმნით თქვენს რეალობას. სანამ თქვენ გჯერათ ანგელოზის, ის არსებობს როგორც ენერგეტიკული არსება, და თუ დარწმუნებული ხართ, რომ ის თქვენზე ზრუნავს, მაშინ ეს ასეც იქნება. წარმართები, რომლებიც ეთაყვანებოდნენ გამოგონილ ღმერთებს და ფეტიშებს, სულაც არ იყვნენ სულელები. შეგიძლიათ თქვენი მფარველი ანგელოზი წარმოიდგინოთ ნებისმიერი ფორმით. ის თავისთავად არანაირად არ გამოიყურება. ეს თქვენ აძლევთ მას ფორმას თქვენივე წარმოსახვით. ამიტომაც წარმოიდგინეთ ისე, როგორც უფრო კომფორტული იქნება თქვენთვის. თუ მარტოსულად გრძნობთ თავს, შეგიძლიათ ეს გრძნობა თქვენს ანგელოზს გაუზიაროთ. თუ განსაცდელი ან ბედნიერება გეწვიათ, ამის გაზიარება შეგიძლიათ მისთვის. რაც უფრო გულწრფელად გეყვარებათ თქვენი ანგელოზი და მადლობებს გადაუხდით ნებისმიერი წვრილმანისთვის, მით უფრო გაძლიერდება ის, და უფრო მეტ დახმარებასაც გაგიწევთ. ფანტაზიები, როგორც ასეთი არ არსებობს. ნებისმიერი გამონაგონი რეალურია.
