45. გზა მიზნამდე
45. გზა მიზნამდე
დეკლარაცია
განაგდეთ მიზნის მნიშვნელოვანება, უარი თქვით ჟინზე და მხოლოდ ფლობის სიმტკიცე დაიტოვეთ. მიზნამდე ისე უნდა იაროთ, როგორც მიდიხართ წერილის ასაღებად საფოსტო ყუთთან. ერთადერთი რამაც შეიძლება შეგიშალოთ ხელი მიზნისკენ მიმავალ გზაზე, - ესაა ზედმეტი პასუხისმგებლობა, გადამეტებული ძალისხმევა და დამარცხების შიში. ატრიალეთ ფიქრებში მიზნობრივი სლაიდი, ისე რომ არ შეიტანოთ მასში არანაირი სცენარი. თქვენ უკვე ფლობთ მას. ნუ ფიქრობთ მიზნის მიღწევის საშუალებებზე. თუ თქვენ მიზანზე ისე ხართ კონცენტრირებული, რომ ის თითქოს მიღწეულია, გარკვეული დროის შემდეგ გარე განზრახვა გაგიმხელთ შესაძლებლობებს - კარებს, და მაშინ საშუალებები თავისით გამოინახება.
ახსნა
თუ თქვენი მიზანი ძნელად მისაღწევად გეჩვენებათ, მაშინ ყველაფერს ეჭვები და შესაძლო წარუმატებლობაზე ფიქრი გაგიფუჭებთ. და მაინც როგორ ვირწმუნოთ შეუძლებელის, ისე რომ ის გარდაიქცეს შესაძლებლად? არანიარად! თქვენ ვერანაირად ვერ მოახერხებთ ვერც თავის დარწმუნებას, ვერც დათანხმებას, და ვერც აიძულებთ საკუთარ თავს დაიჯეროს. შეეშვით ცოდვილობას და დაკავდით საქმით - ატრიალეთ ფიქრებში მიზნობრივი სლაიდი. არ უნდა გადარდებდეთ ის ფაქტი,რომ მიზანი ჯერჯერობით ძალიან შორსაა. თქვენთვის ძნელია იმის წარმოდგენა, თუ როგორ შეიძლება ამას მიაღწიოთ. მაგრამ ეს არ არის თქვენი საზრუნავი. თქვენ მხოლოდ შეკვეთის გაკეთება მოგეთხოვებათ, დანარჩენი ოფიციანტს მიანდეთ. როდესაც გონება ნახავს, რომ კარები იღება, ეჭვებიც გაქრება. ბევრი ადამიანი, ვინც თავბრუდამხვევ წარმატებას მიაღწია, შემდეგ ამბობდა, რომ ვერაფრიდ დაიჯერებდა, რომ მსგავსი რამ შეეძლო. კიდევ ერთი რჩევა: ნუ დადებთ ყველაფერს მხოლოდ ერთ მიზანზე, იპოვეთ სათადარიგო გზა, დაზღვევა. ნუ მიიხურავთ ძველ კარებს და ნურც უკან დასაბრუნებელ გზას ჩახერგავთ.